Жорий йилда «Манчестер Сити» ва Хосеп Гвардиола ўртасидаги ҳамкорлик бошланганига ўн йил тўлмоқда. Каталониялик мутахассис 2016 йилнинг ёзида клуб бошқарувини қўлга олган эди.
Ушбу юбилейни нишонлаш мақсадида «Манчестер Сити» раҳбарияти мураббий шарафига махсус кийимлар тўпламини чиқаришга қарор қилди. Ушбу тўплам Гвардиоланинг АПЛдаги энг дид билан кийинадиган мураббийлардан бири эканлигини яна бир бор эслатиб қўйишга қаратилган.
Мутахассис айниқса италиялик ижодкорларнинг ишларини, хусусан, «Stone Island» ҳамда Массимо Остининг «С.P. Company» брендларини хуш кўради. «Pep Guardiola Decade» деб номланган ушбу тўплам билан «Манчестер Сити»нинг расмий онлайн-дўконларида танишиш ва ҳатто уларни харид қилиш имконияти мавжуд.
