Yevropa Ligasi chorak finalining javob uchrashuvida Birmingemning «Aston Villa» jamoasi «Bolonya» ustidan 4:0 hisobida yirik g‘alabaga erishdi. Ingliz klubi ustozi Unai Emeri o‘yin haqidagi taassurotlari bilan o‘rtoqlashdi.
«Jamoaning o‘yinidan mamnunman. Ajoyib ishtirok. Bu aql bovar qilmas oqshom bo‘ldi. Oldinda bizni yarim finalda oson bo‘lmagan qarama-qarshilik kutmoqda», — deya ispaniyalik mutaxassisning so‘zlarini keltiradi UEFA matbuot xizmati.
Ta’kidlab o‘tish joizki, ikki o‘yin natijasiga ko‘ra «Aston Villa» «Bolonya»ni 7:1 hisobida tor-mor keltirdi.
Nufuzli turnir finaliga chiqish uchun Emeri shogirdlari APLning boshqa bir vakili — «Nottingem Forest»ga qarshi bahs olib boradilar.
