«Barselona» bosh murabbiyi Xans-Diter Flik klub bilan yangi shartnoma imzolashga shoshilmayapti.
Amaldagi kelishuv 2027 yilning yoziga qadar mo‘ljallangan, biroq uni yana bir yilga uzaytirish kutilmoqda. Jurnalist Fernando Poloning xabar berishicha, tomonlar allaqachon og‘zaki kelishuvga erishishgan, ammo germaniyalik mutaxassis hozir bitimni rasmiylashtirish vaqti emas deb hisoblaydi. Murabbiy yangi shartnomaga o‘z mehnati bilan loyiq ekanligini his qilishni istamoqda, shu sababli yakuniy javobni berishdan oldin mavsum oxirigacha kutishga qaror qilgan.
Shuningdek, murabbiyning shartnomasida kelishuvni 2029 yil o‘rtalariga qadar avtomatik tarzda uzaytirish bandi ham ko‘zda tutilgan bo‘ladi.
