«Барселона» бош мураббийи Ханс-Дитер Флик клуб билан янги шартнома имзолашга шошилмаяпти.
Амалдаги келишув 2027 йилнинг ёзига қадар мўлжалланган, бироқ уни яна бир йилга узайтириш кутилмоқда. Журналист Фернандо Полонинг хабар беришича, томонлар аллақачон оғзаки келишувга эришишган, аммо германиялик мутахассис ҳозир битимни расмийлаштириш вақти эмас деб ҳисоблайди. Мураббий янги шартномага ўз меҳнати билан лойиқ эканлигини ҳис қилишни истамоқда, шу сабабли якуний жавобни беришдан олдин мавсум охиригача кутишга қарор қилган.
Шунингдек, мураббийнинг шартномасида келишувни 2029 йил ўрталарига қадар автоматик тарзда узайтириш банди ҳам кўзда тутилган бўлади.
