«Arsenal» yarim himoyachisi Deklan Rays APL doirasida «Manchester Siti»ga qarshi kechadigan yakshanba kungi o‘yin oldidan o‘z fikrlarini bildirdi.

«Gapni aylantirib o‘tirishning hojati yo‘q. Biz «Bornmut»ga qarshi o‘yindagidan (1:2) va bugungi [«Sporting»ga qarshi — 0:0] bahsdagidan ancha yaxshiroq o‘ynashimiz shart.

So‘nggi paytlarda biz avvalgi haftalarga qaraganda ko‘proq xatolarga yo‘l qo‘ymoqdamiz. Gap oddiy texnik harakatlarni yaxshilash haqida ketmoqda — to‘pni beparvolik bilan yo‘qotayotgan vaziyatlarimizda, ya’ni qisqa va o‘rta masofaga uzatmalarda diqqatni oshirishimiz kerak. Shuningdek, to‘p bilan ishlashda ishonch ham muhim: ko‘proq teginish, erkin harakat qilish va bosimga e’tibor bermaslik lozim.

«Etihad» — bu haqiqiy sinov, lekin biz aynan shuning uchun ham futbol o‘ynaymiz. Xullas, ishga kirishamiz», — dedi Rays.