«Арсенал» ярим ҳимоячиси Деклан Райс АПЛ доирасида «Манчестер Сити»га қарши кечадиган якшанба кунги ўйин олдидан ўз фикрларини билдирди.

«Гапни айлантириб ўтиришнинг ҳожати йўқ. Биз «Борнмут»га қарши ўйиндагидан (1:2) ва бугунги [«Спортинг»га қарши — 0:0] баҳсдагидан анча яхшироқ ўйнашимиз шарт.

Сўнгги пайтларда биз аввалги ҳафталарга қараганда кўпроқ хатоларга йўл қўймоқдамиз. Гап оддий техник ҳаракатларни яхшилаш ҳақида кетмоқда — тўпни бепарволик билан йўқотаётган вазиятларимизда, яъни қисқа ва ўрта масофага узатмаларда диққатни оширишимиз керак. Шунингдек, тўп билан ишлашда ишонч ҳам муҳим: кўпроқ тегиниш, эркин ҳаракат қилиш ва босимга эътибор бермаслик лозим.

«Этиҳад» — бу ҳақиқий синов, лекин биз айнан шунинг учун ҳам футбол ўйнаймиз. Хуллас, ишга киришамиз», — деди Райс.