Shanba oqshomida Angliya chempionati doirasida «Chelsi» va «Manchester Yunayted» o‘rtasidagi bahs bo‘lib o‘tadi. «Qizil iblislar» himoya chizig‘ida jiddiy kadrlar muammosiga duch kelishgan. Avvalroq Leni Yoro jarohat olgani haqida ma’lumot paydo bo‘lgan edi. Futbolchi Londonga yo‘l olganlar orasida ko‘rinmadi.

Shunday qilib, «Manchester Yunayted»ning to‘rt nafar markaziy himoyachisi o‘yinga tayyor emas: Lisandro Martines (diskvalifikasiya), Garri Maguayr (diskvalifikasiya), Matteys de Ligt (jarohat) va Leni Yoro (jarohat).

Agar yoshlar jamoasi futbolchilari hisobga olinmasa, «Manchester Yunayted» ixtiyorida faqat bitta sog‘lom markaziy himoyachi qoldi. Bu — Eyden Xeven. Himoya markazida unga Lyuk Shou sheriklik qilishi mumkin — u avval ham kadrlar muammosi yuzaga kelganda ushbu pozisiyada to‘p surgan.

«Chelsi» va «Manchester Yunayted» o‘rtasidagi o‘yin 18 aprel kuni Toshkent vaqti bilan soat 00:00 da boshlanadi.