Шанба оқшомида Англия чемпионати доирасида «Челси» ва «Манчестер Юнайтед» ўртасидаги баҳс бўлиб ўтади. «Қизил иблислар» ҳимоя чизиғида жиддий кадрлар муаммосига дуч келишган. Аввалроқ Лени Йоро жароҳат олгани ҳақида маълумот пайдо бўлган эди. Футболчи Лондонга йўл олганлар орасида кўринмади.

Шундай қилиб, «Манчестер Юнайтед»нинг тўрт нафар марказий ҳимоячиси ўйинга тайёр эмас: Лисандро Мартинес (дисквалификация), Гарри Магуайр (дисквалификация), Маттейс де Лигт (жароҳат) ва Лени Йоро (жароҳат).

Агар ёшлар жамоаси футболчилари ҳисобга олинмаса, «Манчестер Юнайтед» ихтиёрида фақат битта соғлом марказий ҳимоячи қолди. Бу — Эйден Хевен. Ҳимоя марказида унга Люк Шоу шериклик қилиши мумкин — у аввал ҳам кадрлар муаммоси юзага келганда ушбу позицияда тўп сурган.

«Челси» ва «Манчестер Юнайтед» ўртасидаги ўйин 18 апрель куни Тошкент вақти билан соат 00:00 да бошланади.