«Liverpul» ustozi Arne Slot jamoasining hozirgi darajasi haqidagi fikrlari bilan o‘rtoqlashdi. Yaqinda «qizillar» Chempionlar ligasining chorak finalida ikki o‘yin natijasiga ko‘ra «PSJ»ga 0:4 hisobida imkoniyatni boy berib, musobaqadagi ishtirokini yakunlagan edi. Premyer-liga turnir jadvalida esa mersisaydliklar beshinchi pog‘onani egallab turibdi.
«Jamoaning mavsum boshidagi va hozirgi holatini shunchaki taqqoslab ko‘ring. Yangi futbolchilarimizning mavsum avvalidagi va hozirgi o‘yinlarini solishtiring. Men farqni ko‘ryapman va bu farq shubhasiz ijobiy tomonga o‘zgargan», — dedi Slot matbuot anjumanida.
