«Inter» bosh murabbiyi Kristian Kivu Italiya chempionatining 33-turidan o‘rin olgan «Kalyari» ustidan qozonilgan g‘alabadan (3:0) so‘ng o‘z fikrlarini bildirdi.

«Bu o‘yin qanchalik muhim ekanini bilardik. Birinchi bo‘limda ayrim qiyinchiliklarga duch keldik, ammo ikkinchi bo‘limda to‘p uzatish va harakatlanish borasida yaxshiroq o‘yin ko‘rsatdik. Bosim yo‘qolgach esa, o‘yindan zavq ola boshladik. Tarkibimizda birga o‘ynashni yoqtiradigan sifatli futbolchilar bor. Qilinishi kerak bo‘lgan barcha ishlarni to‘liq anglab turibmiz. Maqsadimizga erishdik va endi oxirigacha raqobatbardosh bo‘lib qolishga umid qilamiz.

Shuningdek, yevrokuboklarda ham raqobatbardosh bo‘lishni istaymiz. Bu eng kuchli klublarning asosiy maqsadlaridan biridir. Chempionlar ligasiga yo‘llanma olish — kichik yutuq emas, chunki hamma mana shu darajada to‘p surishni xohlaydi», — deya klub matbuot xizmati Kivuning so‘zlarini keltirmoqda.

«Inter» 78 ochko bilan A Seriya turnir jadvalida peshqadamlik qilmoqda. «Kalyari» esa 33 ochko bilan 16-pog‘onada bormoqda.