«Интер» бош мураббийи Кристиан Киву Италия чемпионатининг 33-туридан ўрин олган «Кальяри» устидан қозонилган ғалабадан (3:0) сўнг ўз фикрларини билдирди.
«Бу ўйин қанчалик муҳим эканини билардик. Биринчи бўлимда айрим қийинчиликларга дуч келдик, аммо иккинчи бўлимда тўп узатиш ва ҳаракатланиш борасида яхшироқ ўйин кўрсатдик. Босим йўқолгач эса, ўйиндан завқ ола бошладик. Таркибимизда бирга ўйнашни ёқтирадиган сифатли футболчилар бор. Қилиниши керак бўлган барча ишларни тўлиқ англаб турибмиз. Мақсадимизга эришдик ва энди охиригача рақобатбардош бўлиб қолишга умид қиламиз.
Шунингдек, еврокубокларда ҳам рақобатбардош бўлишни истаймиз. Бу энг кучли клубларнинг асосий мақсадларидан биридир. Чемпионлар лигасига йўлланма олиш — кичик ютуқ эмас, чунки ҳамма мана шу даражада тўп суришни хоҳлайди», — дея клуб матбуот хизмати Кивунинг сўзларини келтирмоқда.
«Интер» 78 очко билан А Серия турнир жадвалида пешқадамлик қилмоқда. «Кальяри» эса 33 очко билан 16-поғонада бормоқда.
