«Manchester Siti» hujumchisi Erling Xoland o‘z o‘yini haqida fikr bildirdi. Norvegiyalik futbolchi joriy yilda avvalgidek samaradorlik ko‘rsata olmayapti, biroq hali ham 22 ta gol bilan Premyer-liga to‘purarlar poygasida peshqadamlik qilmoqda.
«Klub menga o‘zimning eng yaxshi holatimda bo‘lishim uchun pul to‘laydi. Men «Manchester Siti»ni hurmat qilishim, mashg‘ulotlarda va o‘yinlar davomida bor imkoniyatimni namoyish etishim shart», — deya 25 yoshli futbolchining so‘zlarini keltiradi The Touchline.
Yakshanba kuni Xosep Gvardiola shogirdlari o‘z maydonida Londonning «Arsenal» jamoasiga qarshi bahs olib boradi. Agar «shaharliklar» g‘alaba qozonishsa, zaxirada bitta o‘yin bo‘lgan holda «kanonirlar» bilan oradagi farqni atigi uch ochkogacha qisqartirishadi.
