«Манчестер Сити» ҳужумчиси Эрлинг Холанд ўз ўйини ҳақида фикр билдирди. Норвегиялик футболчи жорий йилда аввалгидек самарадорлик кўрсата олмаяпти, бироқ ҳали ҳам 22 та гол билан Премьер-лига тўпурарлар пойгасида пешқадамлик қилмоқда.
«Клуб менга ўзимнинг энг яхши ҳолатимда бўлишим учун пул тўлайди. Мен «Манчестер Сити»ни ҳурмат қилишим, машғулотларда ва ўйинлар давомида бор имкониятимни намойиш этишим шарт», — дея 25 ёшли футболчининг сўзларини келтиради The Touchline.
Якшанба куни Хосеп Гвардиола шогирдлари ўз майдонида Лондоннинг «Арсенал» жамоасига қарши баҳс олиб боради. Агар «шаҳарликлар» ғалаба қозонишса, захирада битта ўйин бўлган ҳолда «канонирлар» билан орадаги фарқни атиги уч очкогача қисқартиришади.
