«Santos» hujumchisi Neymar qanday futbolchi bo‘lishni aslo istamasligi haqida gapirib berdi.

«Men to‘pni qabul qilib olib, shunchaki ko‘ndalang uzatma amalga oshiradigan vinger bo‘lishni xohlamayman. Agar qachondir shunday o‘ynashni boshlasam — shunchaki meni maydondan oling va boshqa birovni tushiring. Men bunday o‘yinchi bo‘lishni istamayman», — deya 34 yoshli braziliyalikning so‘zlarini keltiradi The Touchline.

Joriy mavsumda Neymar «Santos» safida barcha turnirlarda sakkizta o‘yinda maydonga tushib, to‘rtta gol va uchta golli uzatmani o‘z hisobiga yozdirib qo‘ydi. «PSJ» va «Barselona»ning sobiq hujumchisi o‘tgan yilning boshida Saudiya Arabistonining «Al-Hilol» klubini tark etib, o‘z qadrdon jamoasiga qaytgan edi.