«Сантос» ҳужумчиси Неймар қандай футболчи бўлишни асло истамаслиги ҳақида гапириб берди.
«Мен тўпни қабул қилиб олиб, шунчаки кўндаланг узатма амалга оширадиган вингер бўлишни хоҳламайман. Агар қачондир шундай ўйнашни бошласам — шунчаки мени майдондан олинг ва бошқа бировни туширинг. Мен бундай ўйинчи бўлишни истамайман», — дея 34 ёшли бразилияликнинг сўзларини келтиради The Touchline.
Жорий мавсумда Неймар «Сантос» сафида барча турнирларда саккизта ўйинда майдонга тушиб, тўртта гол ва учта голли узатмани ўз ҳисобига ёздириб қўйди. «ПСЖ» ва «Барселона»нинг собиқ ҳужумчиси ўтган йилнинг бошида Саудия Арабистонининг «Ал-Ҳилол» клубини тарк этиб, ўз қадрдон жамоасига қайтган эди.
