Bir necha kun oldin Andoni Iraola mavsum yakunlanganidan keyin «Bornmut» bosh murabbiyi lavozimini tark etishi e’lon qilingan edi. Mish-mishlar Iraolani top-klublar bilan bog‘lamoqda, biroq mutaxassisning o‘zi hali qayerda ishlashini bilmaydi.
«Kelasi mavsumda nima qilishni xohlayotganimni bilmayman. Klubni boshqaramanmi yoki terma jamoani... Hatto ushbu qit’ada qolish-qolmasligimni ham bilmayman. Nima sodir bo‘lishidan haqiqatda xabarim yo‘q va qaror qabul qilishga shoshilmayapman. Mening qarorimda boshqa klublarning ishtiroki yo‘q edi. Hammasi faqat bir savolga borib taqaldi: shu yerda davom ettirishmi yoki yo‘q», — deya Iraolaning so‘zlarini keltiradi The Touchline.
Hozirda «Bornmut» Angliya chempionati turnir jadvalida 11-o‘rinni egallab turibdi.
