Бир неча кун олдин Андони Ираола мавсум якунланганидан кейин «Борнмут» бош мураббийи лавозимини тарк этиши эълон қилинган эди. Миш-мишлар Ираолани топ-клублар билан боғламоқда, бироқ мутахассиснинг ўзи ҳали қаерда ишлашини билмайди.
«Келаси мавсумда нима қилишни хоҳлаётганимни билмайман. Клубни бошқараманми ёки терма жамоани... Ҳатто ушбу қитъада қолиш-қолмаслигимни ҳам билмайман. Нима содир бўлишидан ҳақиқатда хабарим йўқ ва қарор қабул қилишга шошилмаяпман. Менинг қароримда бошқа клубларнинг иштироки йўқ эди. Ҳаммаси фақат бир саволга бориб тақалди: шу ерда давом эттиришми ёки йўқ», — дея Ираоланинг сўзларини келтиради The Touchline.
Ҳозирда «Борнмут» Англия чемпионати турнир жадвалида 11-ўринни эгаллаб турибди.
