«Liverpul» futbolchisi Kyortis Jons kelayotgan yozda klubini o‘zgartirishi mumkin. TEAMtalk nashrining xabar berishicha, 25 yoshli o‘yinchini sotib olishga Angliya Premyer-ligasining boshqa bir klubi — «Aston Villa» qiziqish bildirmoqda.
Ta’kidlanishicha, yarim himoyachining o‘zi ham «qizillar» lagerini tark etish niyatida, chunki u klub bilan yangi shartnoma shartlari bo‘yicha kelishuvga erisha olmayapti. Jonsning klub bilan amaldagi shartnomasi 2027 yilning o‘rtalarigacha mo‘ljallangan bo‘lib, uning qiymati 35 million yevroga baholanmoqda.
Ushbu mavsumda Kyortis 43 ta o‘yinda ishtirok etdi va raqiblar darvozasini ikki bor ishg‘ol qilib, ikkita golli uzatmani amalga oshirdi.
