«Ливерпуль» футболчиси Кёртис Жонс келаётган ёзда клубини ўзгартириши мумкин. TEAMtalk нашрининг хабар беришича, 25 ёшли ўйинчини сотиб олишга Англия Премьер-лигасининг бошқа бир клуби — «Астон Вилла» қизиқиш билдирмоқда.

Таъкидланишича, ярим ҳимоячининг ўзи ҳам «қизиллар» лагерини тарк этиш ниятида, чунки у клуб билан янги шартнома шартлари бўйича келишувга эриша олмаяпти. Жонснинг клуб билан амалдаги шартномаси 2027 йилнинг ўрталаригача мўлжалланган бўлиб, унинг қиймати 35 миллион еврога баҳоланмоқда.

Ушбу мавсумда Кёртис 43 та ўйинда иштирок этди ва рақиблар дарвозасини икки бор ишғол қилиб, иккита голли узатмани амалга оширди.