«Tottenxem» xavfli hududni tark eta olmadi.
Bugun APLning 33-turi doirasida «shporlar» «Brayton» bilan 2:2 hisobida durang o‘ynashdi. Londonliklar ushbu turnirda 28 dekabrdan beri g‘alaba qozona olishmayapti — o‘shanda ular «Kristal Pelas»ni (1:0) mag‘lub etishgan edi. O‘shandan beri «Tottenxem» milliy chempionatda 15 ta o‘yin o‘tkazib, 9 bor mag‘lubiyatga uchradi va 6 marta durang qayd etdi.
Bugungi bahs Roberto De Dzerbi uchun jamoa bosh murabbiyi sifatidagi ikkinchi o‘yin bo‘ldi.
Ayni damda «Tottenxem» 33 o‘yindan so‘ng 31 ochko jamg‘argan holda APL turnir jadvalida 18-o‘rinni egallab turibdi. Jamoa «Vest Xem»dan 1 ochko, «Nottingem Forest»dan esa 2 ochko ortda qolmoqda. Shu bilan birga, «o‘rmonchilar» va «bolg‘achilar» hisobida bittadan zaxira o‘yini mavjud.
