«Тоттенхэм» хавфли ҳудудни тарк эта олмади.
Бугун АПЛнинг 33-тури доирасида «шпорлар» «Брайтон» билан 2:2 ҳисобида дуранг ўйнашди. Лондонликлар ушбу турнирда 28 декабрдан бери ғалаба қозона олишмаяпти — ўшанда улар «Кристал Пэлас»ни (1:0) мағлуб этишган эди. Ўшандан бери «Тоттенхэм» миллий чемпионатда 15 та ўйин ўтказиб, 9 бор мағлубиятга учради ва 6 марта дуранг қайд этди.
Бугунги баҳс Роберто Де Дзерби учун жамоа бош мураббийи сифатидаги иккинчи ўйин бўлди.
Айни дамда «Тоттенхэм» 33 ўйиндан сўнг 31 очко жамғарган ҳолда АПЛ турнир жадвалида 18-ўринни эгаллаб турибди. Жамоа «Вест Хэм»дан 1 очко, «Ноттингем Форест»дан эса 2 очко ортда қолмоқда. Шу билан бирга, «ўрмончилар» ва «болғачилар» ҳисобида биттадан захира ўйини мавжуд.
