19 aprel sanasida Osiyo Chempionlar ligasi 2 musobaqasi chorak final bosqichidan o‘rin olgan "Al-Vasl" (BAA) — "An-Nasr" (Saudiya Arabistoni) jamoalari o‘rtasidagi uchrashuv bo‘lib o‘tadi. Ushbu bahsda o‘zbekistonlik hakamlar jamoasi faoliyat olib boradi.
Bosh hakam sifatida Rustam Lutfullin, yordamchi hakamlar sifatida Akmal G‘iyosov va Sanjar Shoyusupov ishlaydi. VAR hakami — Ahrol Risqullayev.
Shuningdek, 22–30 aprel kunlari Xitoyda sohil futboli bo‘yicha Osiyo kubogi bo‘lib o‘tadi. Ushbu nufuzli musobaqada O‘zbekiston vakillari ham ishtirok etadi.
Musobaqada Naim Qosimov bosh hakam sifatida uchrashuvlarni boshqarib borsa, Baxtiyor Namozov hakamlar instruktori sifatida faoliyat yuritadi.
