«Paxtakor» - «Dinamo» (4:2) uchrashuvidan keyin Toshkent klubi prezidenti Jahongir Ortiqxo‘jayev Samarqand klubi kiyinish xonasiga kelib, chiroyli va mardonavor futbol uchun «Dinamo» jamoasiga minnatdorchilik bildirdi.

«Yaqin orada bugungidek hujumkor, tomoshabop, chiroyli o‘yin ko‘rmagandim. Superliga aynan mana shunday chiroyli, hujumkor va tomoshabop o‘yinlar bilan muxlislarni tortadi. Yigitlar, bu – futbol, mag‘lubiyatga qaramay, «Dinamo»ning maydondagi haqiqiy mardonavor o‘yini, kurash uchun sizga, murabbiylarga rahmat!

Hali kubok finalida uchrashamizmi? Zo‘r o‘yin bo‘lardi. Mana shunday mardonavor, hujumkor o‘yin uchun sizlarga yana bir marta rahmat!» - dedi «Paxtakor» klubi raisi.