«Tottenxem»ning hujumkor yarim himoyachisi Xavi Simons jamoaga kelganidan bor-yo‘g‘i bir yil o‘tib, klubni tark etishi mumkin. «Shporlar» Premyer-liga yakuniga besh tur qolganda xavfli hududda (tushib ketish zonasida) bormoqda va jamoa yetakchilarining kelajagi so‘roq ostida qolgan. Ular orasida Simons ham bor, chunki uni Chempionshipda tasavvur qilish qiyin.
Jurnalist Ekrem Konurning ma’lumotiga ko‘ra, niderlandiyalik futbolchiga «Arsenal» va «Bavariya» qiziqish bildirmoqda. Shuningdek, uning sobiq klubi «PSJ» ham da’vogarlar qatorida tilga olinyapti. Transfer qiymati 50 million yevrodan oshishi mumkin. Xavi Simons o‘tgan yilning avgust oyida «RB Leypsig»dan «Tottenxem»ga 65 million yevro evaziga o‘tgan edi. 21 aprel kuni futbolchi 23 yoshini qarshi oladi.
