«Тоттенхэм»нинг ҳужумкор ярим ҳимоячиси Хави Симонс жамоага келганидан бор-йўғи бир йил ўтиб, клубни тарк этиши мумкин. «Шпорлар» Премьер-лига якунига беш тур қолганда хавфли ҳудудда (тушиб кетиш зонасида) бормоқда ва жамоа етакчиларининг келажаги сўроқ остида қолган. Улар орасида Симонс ҳам бор, чунки уни Чемпионшипда тасаввур қилиш қийин.

Журналист Экрем Конурнинг маълумотига кўра, нидерландиялик футболчига «Арсенал» ва «Бавария» қизиқиш билдирмоқда. Шунингдек, унинг собиқ клуби «ПСЖ» ҳам даъвогарлар қаторида тилга олиняпти. Трансфер қиймати 50 миллион евродан ошиши мумкин. Хави Симонс ўтган йилнинг август ойида «РБ Лейпциг»дан «Тоттенхэм»га 65 миллион евро эвазига ўтган эди. 21 апрель куни футболчи 23 ёшини қарши олади.