Madridning «Atletiko» klubi yarim himoyachisi Koke Ispaniya Kubogi finalidagi mag‘lubiyatdan so‘ng o‘z taassurotlari bilan o‘rtoqlashdi. «Matraschilar» o‘yin vaqtidagi 1:1 hisobidan so‘ng penaltilar seriyasida «Real Sosyedad»ga imkoniyatni boy berishdi.
«Biz ikki bor hisobni tenglashtirdik, biroq yakunda mag‘lub bo‘ldik. Bu — futbol, bu — hayot. «Real Sosyedad»ni tabriklayman. Oldinga intilishda davom etishimiz kerak. Muxlislarimizdan uzr so‘rayman (ular uchun afsusdaman). Bu barchamiz uchun mahzun kun, lekin oldinda bizni bo‘lishi mumkin bo‘lgan eng zo‘r turnir — Chempionlar ligasi yarim finali kutmoqda», — deya sardor Kokening so‘zlarini Atletico Universe nashri keltirmoqda.
