Мадриднинг «Атлетико» клуби ярим ҳимоячиси Коке Испания Кубоги финалидаги мағлубиятдан сўнг ўз таассуротлари билан ўртоқлашди. «Матрасчилар» ўйин вақтидаги 1:1 ҳисобидан сўнг пенальтилар сериясида «Реал Сосьедад»га имкониятни бой беришди.

«Биз икки бор ҳисобни тенглаштирдик, бироқ якунда мағлуб бўлдик. Бу — футбол, бу — ҳаёт. «Реал Сосьедад»ни табриклайман. Олдинга интилишда давом этишимиз керак. Мухлисларимиздан узр сўрайман (улар учун афсусдаман). Бу барчамиз учун маҳзун кун, лекин олдинда бизни бўлиши мумкин бўлган энг зўр турнир — Чемпионлар лигаси ярим финали кутмоқда», — дея сардор Кокенинг сўзларини Atletico Universe нашри келтирмоқда.