Madridning «Atletiko» klubi bosh murabbiyi Diyego Simeone Ispaniya Kubogi finalida «Real Sosyedad»dan qabul qilingan mag‘lubiyatdan so‘ng o‘z fikrlarini bildirdi. «Matraschilar» o‘yinning asosiy vaqtida mag‘lubiyatdan qutulib qolishgan edi (2:2), biroq penaltilar seriyasida imkoniyatni boy berishdi.
«Raqibni tabriklashni istayman. Biz bor kuchimizni berdik, ajoyib tarzda kurashdik, bizda juda yaxshi imkoniyat bor edi. Muxlislarga yo‘llaydigan murojaatim? Bu qiyin. Ularga murojaatlar emas, g‘alabalar kerak», — deya Simeonening o‘yindan keyingi intervyusidan iqtibos keltirmoqda Ispaniya ommaviy axborot vositalari.
