«Chelsi» bosh murabbiyi Liam Rosenyor Premyer-liganing 33-turi doirasida «Manchester Yunayted»ga qarshi kechgan o‘yindagi mag‘lubiyat (0:1) haqida fikr bildirdi.
«Buni qabul qilish juda qiyin. Raqibning darvoza sohasiga yo‘llagan bor-yo‘g‘i bitta aniq zarbasi bor edi. Biz esa hujumlar uyushtirdik va menimcha, to‘rt bora darvoza sohasini aniq nishonga oldik. Men jamoamning go‘yoki hamma narsa bizga qarshi bo‘layotgandek his qilishini istamayman. Biz kurashishda davom etishimiz kerak.
Gol o‘tkazib yuborilgan vaziyatda biz yaxshiroq himoyalanishimiz shart edi. Hozirgi holatda eng kichik xatoimiz ham darvozamizdan to‘p olib chiqishimizga sabab bo‘lmoqda — aynan mana shuni tuzatishimiz lozim. Eng muhimi — natija, va bugun u bizning foydamizga emas», — deya Rosenyorning so‘zlarini BBC nashri keltirmoqda.
