«Челси» бош мураббийи Лиам Росеньор Премьер-лиганинг 33-тури доирасида «Манчестер Юнайтед»га қарши кечган ўйиндаги мағлубият (0:1) ҳақида фикр билдирди.
«Буни қабул қилиш жуда қийин. Рақибнинг дарвоза соҳасига йўллаган бор-йўғи битта аниқ зарбаси бор эди. Биз эса ҳужумлар уюштирдик ва менимча, тўрт бора дарвоза соҳасини аниқ нишонга олдик. Мен жамоамнинг гўёки ҳамма нарса бизга қарши бўлаётгандек ҳис қилишини истамайман. Биз курашишда давом этишимиз керак.
Гол ўтказиб юборилган вазиятда биз яхшироқ ҳимояланишимиз шарт эди. Ҳозирги ҳолатда энг кичик хатоимиз ҳам дарвозамиздан тўп олиб чиқишимизга сабаб бўлмоқда — айнан мана шуни тузатишимиз лозим. Энг муҳими — натижа, ва бугун у бизнинг фойдамизга эмас», — дея Росеньорнинг сўзларини BBC нашри келтирмоқда.
