«Lasio» bosh murabbiyi Maurisio Sarri shogirdlarining «Napoli» ustidan qozongan g‘alabasidan mamnun ekanini bildirdi. Italiya chempionatining 33-turidan o‘rin olgan uchrashuv 2:0 hisobida yakunlandi.

"Oxirgi bir yarim oy ichida ushbu tarkib faqat bitta xatoga yo‘l qo‘ydi — "Fiorentina" bilan o‘yinda. Ham alohida futbolchilarda, ham jamoaviy o‘yinda o‘sish belgilari kuzatilmoqda. Biz futbolchilarimizning xarakteristikalariga moslashdik. Tarkibimizda an’anaviy tushunchadagi pleymeykerlar yo‘q, lekin bizda portlovchi tezlikka ega va tezkor futbol o‘ynaydigan ko‘plab ijrochilar mavjud", — deya Sarrining so‘zlarini DAZN keltirmoqda.

Shuningdek, Sarri yarim himoyachi Kennet Teylorning harakatlarini alohida maqtab o‘tdi. Murabbiyning ta’kidlashicha, Teylor o‘z o‘yini bilan unga o‘z vaqtida «Napoli» va Slovakiya terma jamoasi safida porlagan Marek Gamshikni eslatib yuborgan.