«Лацио» бош мураббийи Маурицио Сарри шогирдларининг «Наполи» устидан қозонган ғалабасидан мамнун эканини билдирди. Италия чемпионатининг 33-туридан ўрин олган учрашув 2:0 ҳисобида якунланди.
"Охирги бир ярим ой ичида ушбу таркиб фақат битта хатога йўл қўйди — "Фиорентина" билан ўйинда. Ҳам алоҳида футболчиларда, ҳам жамоавий ўйинда ўсиш белгилари кузатилмоқда. Биз футболчиларимизнинг характеристикаларига мослашдик. Таркибимизда анъанавий тушунчадаги плеймейкерлар йўқ, лекин бизда портловчи тезликка эга ва тезкор футбол ўйнайдиган кўплаб ижрочилар мавжуд", — дея Саррининг сўзларини DAZN келтирмоқда.
Шунингдек, Сарри ярим ҳимоячи Кеннет Тейлорнинг ҳаракатларини алоҳида мақтаб ўтди. Мураббийнинг таъкидлашича, Тейлор ўз ўйини билан унга ўз вақтида «Наполи» ва Словакия терма жамоаси сафида порлаган Марек Гамшикни эслатиб юборган.
