Madridning «Real» klubiga tegishli bo‘lgan fransiyalik xavbek Eduardo Kamavinga Angliya Premyer-ligasida faoliyatini davom ettirish uchun bir yo‘la bir nechta variantga ega.
Caught Offside jurnalistlarining ma’lumotlariga ko‘ra, yarim himoyachi «Manchester Yunayted», «Arsenal», «Tottenxem» va «Chelsi» klublarining qiziqishlar doirasida turibdi. «Qaymoqranglilar» Kamavinganing transferidan taxminan 60 million yevro ishlab olishni rejalashtirishmoqda.
Fransiyalik yarim himoyachi besh yildan beri «qirollik klubi» sharafini himoya qilib kelmoqda. Eduardo va Madrid klubi o‘rtasidagi amaldagi mehnat shartnomasi 2029 yilning o‘rtalariga qadar mo‘ljallangan.
