Мадриднинг «Реал» клубига тегишли бўлган франциялик хавбек Эдуардо Камавинга Англия Премьер-лигасида фаолиятини давом эттириш учун бир йўла бир нечта вариантга эга.
Caught Offside журналистларининг маълумотларига кўра, ярим ҳимоячи «Манчестер Юнайтед», «Арсенал», «Тоттенхэм» ва «Челси» клубларининг қизиқишлар доирасида турибди. «Қаймоқранглилар» Камавинганинг трансферидан тахминан 60 миллион евро ишлаб олишни режалаштиришмоқда.
Франциялик ярим ҳимоячи беш йилдан бери «қироллик клуби» шарафини ҳимоя қилиб келмоқда. Эдуардо ва Мадрид клуби ўртасидаги амалдаги меҳнат шартномаси 2029 йилнинг ўрталарига қадар мўлжалланган.
