Himoyachi Endryu Robertson shu yozda «Liverpul»ni erkin agent sifatida tark etadi. Insayder Nikolo Skiraning ma’lumotlariga ko‘ra, shotlandiyalik futbolchi «Tottenxem» bilan 2028 yilning yoziga qadar mo‘ljallangan shartnoma imzolash bo‘yicha prinsipial kelishuvga erishgan.

Agar «shporlar» Angliya Premyer-ligasidagi o‘rnini saqlab qolsalar, futbolchi shu yozda London klubiga o‘tishga tayyor.

Endryu Robertson 2017 yilda «Xall Siti»dan 9 million funt sterling evaziga «Liverpul»ga o‘tgan edi. Uning amaldagi shartnomasi 2026 yilning 30 iyuniga qadar mo‘ljallangan. Joriy mavsumda himoyachi «qizillar» safida barcha turnirlarda 32 ta o‘yinda maydonga tushib, ikkita gol urdi va ikkita golli uzatmani amalga oshirdi.