Ҳимоячи Эндрю Робертсон шу ёзда «Ливерпуль»ни эркин агент сифатида тарк этади. Инсайдер Николо Скиранинг маълумотларига кўра, шотландиялик футболчи «Тоттенхэм» билан 2028 йилнинг ёзига қадар мўлжалланган шартнома имзолаш бўйича принципиал келишувга эришган.
Агар «шпорлар» Англия Премьер-лигасидаги ўрнини сақлаб қолсалар, футболчи шу ёзда Лондон клубига ўтишга тайёр.
Эндрю Робертсон 2017 йилда «Халл Сити»дан 9 миллион фунт стерлинг эвазига «Ливерпуль»га ўтган эди. Унинг амалдаги шартномаси 2026 йилнинг 30 июнига қадар мўлжалланган. Жорий мавсумда ҳимоячи «қизиллар» сафида барча турнирларда 32 та ўйинда майдонга тушиб, иккита гол урди ва иккита голли узатмани амалга оширди.
