"Sanderlend" yarim himoyachisi Noa Sadiki "Chelsi"ga o‘tishi mumkin. Jurnalist Sasha Tavolyerining ma’lumotlariga ko‘ra, London klubi 21 yoshli futbolchining transferi bo‘yicha muzokaralar o‘tkazyapti.
O‘tgan haftada "ko‘klar" rahbariyati va tayanch yarim himoyachisining vakillari o‘rtasida muzokaralarning yangi bosqichi bo‘lib o‘tdi. Noa Sadiki 2025 yilda Belgiyaning "Yunion" jamoasidan 17 million yevro evaziga "Sanderlend"ga o‘tgan edi. Uning shartnomasi 2030 yil 30 iyungacha mo‘ljallangan.
Joriy mavsumda yarim himoyachi "qora mushuklar" safida barcha turnirlarda 29 ta o‘yin o‘tkazdi va natijali harakatlarni amalga oshirmadi. Transfermarkt portali Sadikining qiymatini 30 million yevroga baholamoqda.
