UFC’ning ikki vazn toifasidagi sobiq chempioni, irlandiyalik Konor Makgregorning advokati Mark Laynem sportchining sobiq sparring-sherigi va do‘sti Artyom Lobov bilan bog‘liq sud jarayoni yakunlanganidan so‘ng, Konor tomonidan tayyorlangan bayonotni e’lon qildi. O‘z murojaatida Makgregor 2021 yildan beri ilk bor MMA qoidalari bo‘yicha jangini shu yozda o‘tkazish niyatida ekanligini ma’lum qildi.
"Men bu masala hal etilganidan mamnunman, endi esa e’tiborimni mashg‘ulotlarga va shu yozda bo‘lib o‘tadigan jangga qarata olaman. Artyomga viski sotish biznesimdagi mehnatlari uchun minnatdorchilik bildirmoqchiman", — deya Makgregorning so‘zlaridan iqtibos keltirmoqda Mirror nashri.
