Leverkuzenning "Bayer" klubi qanot himoyachisi Alexandro Grimaldo "Milan"ning transfer maqsadiga aylandi. Bu haqda Sport nashri xabar bermoqda.

Manbaning ma’lumotlariga ko‘ra, "rossoneri" rahbariyati Pervis Estupinyanning o‘rnini bosa oladigan qanot himoyachisini faol ravishda qidirmoqda. Grimaldo ekvadorlik futbolchining o‘rnini egallash uchun nomzodlar ro‘yxatidan joy olgan. Ayni damda Grimaldo uchun asosiy da’vogar "Barselona" bo‘lib turibdi, shuningdek, ispaniyalik futbolchini "Yuventus" ham kuzatmoqda.

Joriy mavsumda "Bayer" himoyachisi barcha turnirlarda 41 ta uchrashuvda ishtirok etib, 14 ta gol va 11 ta golli uzatmani amalga oshirdi. Grimaldoning nemis klubi bilan shartnomasi 2027 yilda yakuniga yetadi.