Леверкузеннинг "Байер" клуби қанот ҳимоячиси Алехандро Гримальдо "Милан"нинг трансфер мақсадига айланди. Бу ҳақда Sport нашри хабар бермоқда.
Манбанинг маълумотларига кўра, "россонери" раҳбарияти Первис Эступиньяннинг ўрнини боса оладиган қанот ҳимоячисини фаол равишда қидирмоқда. Гримальдо эквадорлик футболчининг ўрнини эгаллаш учун номзодлар рўйхатидан жой олган. Айни дамда Гримальдо учун асосий даъвогар "Барселона" бўлиб турибди, шунингдек, испаниялик футболчини "Ювентус" ҳам кузатмоқда.
Жорий мавсумда "Байер" ҳимоячиси барча турнирларда 41 та учрашувда иштирок этиб, 14 та гол ва 11 та голли узатмани амалга оширди. Гримальдонинг немис клуби билан шартномаси 2027 йилда якунига етади.
