O‘z vaqtida Londonning "Arsenal" jamoasida to‘p tepgan Naydjel Uinterbern "kanonirlar" bosh murabbiyi Mikel Artetaning kelajagi haqidagi fikrlari bilan o‘rtoqlashdi.
"Mavsumning bu bosqichida Arteta haqidagi har qanday gap-so‘zlarni o‘ta hurmatsizlik deb hisoblayman. Mavsum yakunini kutish kerak. Agar chempionlik yuz bermasa, unda qo‘shilaman – ko‘plab savollar tug‘iladi", — deya ekspertning so‘zlaridan iqtibos keltirmoqda Football.London.
Hozirda Arteta shogirdlari Angliya Premyer-ligasi turnir jadvalida birinchi o‘rinda borishmoqda va "Manchester Siti"ni olti ochkoga ortda qoldirishyapti. Bugun, 19 aprel kuni "Arsenal" chempionatning 33-turi doirasida safarda "shaharliklar" bilan to‘qnash keladi.
