Ўз вақтида Лондоннинг "Арсенал" жамоасида тўп тепган Найджел Уинтерберн "канонирлар" бош мураббийи Микель Артетанинг келажаги ҳақидаги фикрлари билан ўртоқлашди.
"Мавсумнинг бу босқичида Артета ҳақидаги ҳар қандай гап-сўзларни ўта ҳурматсизлик деб ҳисоблайман. Мавсум якунини кутиш керак. Агар чемпионлик юз бермаса, унда қўшиламан – кўплаб саволлар туғилади", — дея экспертнинг сўзларидан иқтибос келтирмоқда Football.London.
Ҳозирда Артета шогирдлари Англия Премьер-лигаси турнир жадвалида биринчи ўринда боришмоқда ва "Манчестер Сити"ни олти очкога ортда қолдиришяпти. Бугун, 19 апрель куни "Арсенал" чемпионатнинг 33-тури доирасида сафарда "шаҳарликлар" билан тўқнаш келади.
