"Barselona" qanot hujumchisi Runi Bardji "ko‘k-anorranglilar" safida yetarli o‘yin amaliyotiga ega bo‘lmayotganidan norozi va shu sababli kelayotgan yozda ijara asosida boshqa klubga o‘tish variantini ko‘rib chiqmoqda. Bu haqda Mundo Deportivo xabar bermoqda.

Manbaning ma’lumotiga ko‘ra, 20 yoshli futbolchi uchun asosiy da’vogar "Yuventus" bo‘lib turibdi. Shuningdek, Bardjiga "Monako", "Portu" va "Betis" klublari ham qiziqish bildirmoqda. Ta’kidlanishicha, ushbu jamoalar shvesiyalik hujumchini u 2025 yilning yozida Kataloniya klubiga o‘tishidan avval ham o‘z safiga qo‘shib olmoqchi bo‘lishgan.

Joriy mavsumda Bardji barcha turnirlarda 23 ta o‘yinda ishtirok etib, ikkita gol va to‘rtta golli uzatmani amalga oshirdi. Futbolchining klub bilan amaldagi mehnat shartnomasi 2029 yilning yozigacha mo‘ljallangan. Transfermarkt portalidagi ma’lumotlarga ko‘ra, futbolchining bozor qiymati 15 million yevroni tashkil etadi.