«Manchester Siti» Angliya Premyer-ligasining 33-turi doirasida bo‘lib o‘tgan uchrashuvda «Arsenal»ni 2:1 hisobida mag‘lub etdi. O‘yin Manchesterdagi «Etixad» stadionida bo‘lib o‘tdi.
Uchrashuvning 16-daqiqasida g‘oliblar yarim himoyachisi Rayan Sherki hisobni ochdi. 18-daqiqada mehmonlar hujumchisi Kay Xavers javob golini urdi.
«Siti»ga g‘alaba keltirgan gol 65-daqiqada hujumchi Erling Xoland tomonidan kiritildi.
Ushbu g‘alabadan so‘ng «Manchester Siti» ochkolari sonini 67 taga yetkazib, turnir jadvalida ikkinchi o‘rinni egallab turibdi. Jamoa peshqadam «Arsenal»dan 3 ochkoga ortda qolmoqda, biroq «shaharliklar» ixtiyorida yana bitta zaxira o‘yini mavjud.
«MANCHESTER SITI» — «ARSENAL» — 2:1
Gollar: Rayan Sherki 16 (1:0), Kay Xavers 18 (1:1), Erling Xoland 65 (2:1).
«Manchester Siti»: Donnarumma, Mark Gehi, Abduqodir Xusanov, Mett O`Rayli, Mateus Nunes, Rodri (Gonsales, 88), Bernardu Silva, Rayan Sherki (Fil Foden, 85), Jeremi Doku (Savio, 88), Antuan Semenyo (Natan Ake, 90), Erling Xoland.
«Arsenal»: David Rayya, Vilyam Saliba, Gabriel Magalyayns, Pyero InkapYE, Yerson Moskera (Ben Uayt, 74), Martin Subimendi (Viktor Dyekeresh, 84), Deklan Rays, Martin Edegor, Eberechi Eze (Leandro Trossar, 74), Noni Madueke (Gabriel Martinelli, 46), Kay Xavers.
Ogohlantirishlar: Gehi (60), Xolann (83) — Moskera (36), Gabriel Magalyayns (83).
