«Манчестер Сити» Англия Премьер-лигасининг 33-тури доирасида бўлиб ўтган учрашувда «Арсенал»ни 2:1 ҳисобида мағлуб этди. Ўйин Манчестердаги «Этихад» стадионида бўлиб ўтди.

Учрашувнинг 16-дақиқасида ғолиблар ярим ҳимоячиси Райан Шерки ҳисобни очди. 18-дақиқада меҳмонлар ҳужумчиси Кай Хаверц жавоб голини урди.

«Сити»га ғалаба келтирган гол 65-дақиқада ҳужумчи Эрлинг Холанд томонидан киритилди.

Ушбу ғалабадан сўнг «Манчестер Сити» очколари сонини 67 тага етказиб, турнир жадвалида иккинчи ўринни эгаллаб турибди. Жамоа пешқадам «Арсенал»дан 3 очкога ортда қолмоқда, бироқ «шаҳарликлар» ихтиёрида яна битта захира ўйини мавжуд.

«МАНЧЕСТЕР СИТИ» — «АРСЕНАЛ» — 2:1

Голлар: Райан Шерки 16 (1:0), Кай Хаверц 18 (1:1), Эрлинг Холанд 65 (2:1).

«Манчестер Сити»: Доннарумма, Марк Геҳи, Абдуқодир Хусанов, Мэтт О`Райли, Матеус Нунес, Родри (Гонсалес, 88), Бернарду Силва, Райан Шерки (Фил Фоден, 85), Жереми Доку (Савио, 88), Антуан Семеньо (Натан Аке, 90), Эрлинг Холанд.

«Арсенал»: Давид Райя, Вильям Салиба, Габриэл Магальяйнс, Пьеро Инкапье, Йерсон Москера (Бен Уайт, 74), Мартин Субименди (Виктор Дьекереш, 84), Деклан Райс, Мартин Эдегор, Эберечи Эзе (Леандро Троссар, 74), Нони Мадуэке (Габриэл Мартинелли, 46), Кай Хаверц.

Огоҳлантиришлар: Геҳи (60), Холанн (83) — Москера (36), Габриэл Магальяйнс (83).