Harri Keyn «Bavariya» tarkibida yana Germaniya chempioniga aylandi. Vensan Kompani jamoasi Bundesliganing 30-turi doirasidagi «Shtutgart»ga qarshi o‘yinda (4:2) g‘alaba qozonib, muddatidan oldin chempionlikni naqd qildi.
O‘tgan mavsumda Keyn Myunxen klubi bilan Bundesligadagi ilk oltin medalini qo‘lga kiritgan edi. 2025 yilning avgust oyida esa 32 yoshli hujumchi Germaniya Superkubogi sohibiga ham aylandi.
Bunga qadar «Tottenxem» va Angliya terma jamoasida to‘p surgan Keyn kattalar darajasidagi turnirlarda hech qachon g‘olib chiqmagan edi.
