Madridning «Real» klubi markaziy himoyachisi Antonio Ryudiger, aftidan, klub bilan shartnomasini uzaytiradi. 33 yoshli futbolchi «qaymoqranglilar» rahbariyatida o‘zining o‘yin sifati va jismoniy holati borasida tug‘ilgan barcha shubhalarni tarqatib yubordi, deb xabar bermoqda Diario AS.
Aynan shu sababli klub tajribali germaniyalik himoyachiga rasmiy taklif bilan chiqdi. Dastlab futbolchi ikki yillik shartnoma tuzishni talab qilgan edi, biroq uning bir yillik kelishuvga rozi bo‘lishi kutilmoqda. Joriy mavsumda Antonio Ryudiger madridliklar safida barcha turnirlarda 21 ta o‘yinda maydonga tushib, bitta gol urishga muvaffaq bo‘ldi. Markaziy himoyachining amaldagi shartnomasi shu yilning iyun oyi oxirida nihoyasiga etadi.
