Мадриднинг «Реал» клуби марказий ҳимоячиси Антонио Рюдигер, афтидан, клуб билан шартномасини узайтиради. 33 ёшли футболчи «қаймоқранглилар» раҳбариятида ўзининг ўйин сифати ва жисмоний ҳолати борасида туғилган барча шубҳаларни тарқатиб юборди, деб хабар бермоқда Diario AS.
Айнан шу сабабли клуб тажрибали германиялик ҳимоячига расмий таклиф билан чиқди. Дастлаб футболчи икки йиллик шартнома тузишни талаб қилган эди, бироқ унинг бир йиллик келишувга рози бўлиши кутилмоқда. Жорий мавсумда Антонио Рюдигер мадридликлар сафида барча турнирларда 21 та ўйинда майдонга тушиб, битта гол уришга муваффақ бўлди. Марказий ҳимоячининг амалдаги шартномаси шу йилнинг июнь ойи охирида ниҳоясига этади.
