«Manchester Siti» ustozi Xosep Gvardiola APLning 33-turi doirasida «Arsenal» ustidan qozonilgan g‘alabaga izoh berdi. Uchrashuv «shaharliklar»ning 2:1 hisobidagi g‘alabasi bilan yakunlandi.

Gvardiola o‘yin o‘zaro hujumlar ostida o‘tganini qayd etdi. Ispaniyalik mutaxassisning ta’kidlashicha, uchrashuv taqdirini mayda detallar hal qilgan.

«Bu o‘yin butun APL uchun ajoyib reklama bo‘ldi. «Arsenal» — faoliyatimdagi eng kuchli raqiblardan biri. Bizda ham, ularda ham tashabbus bo‘lgan paytlar bo‘ldi. Ikkala jamoada ham golli vaziyatlar yuzaga keldi. Yakunda esa, bunday bahslarda hamma narsani kichik detallar hal qiladi», — dedi Gvardiola.