«Манчестер Сити» устози Хосеп Гвардиола АПЛнинг 33-тури доирасида «Арсенал» устидан қозонилган ғалабага изоҳ берди. Учрашув «шаҳарликлар»нинг 2:1 ҳисобидаги ғалабаси билан якунланди.
Гвардиола ўйин ўзаро ҳужумлар остида ўтганини қайд этди. Испаниялик мутахассиснинг таъкидлашича, учрашув тақдирини майда деталлар ҳал қилган.
«Бу ўйин бутун АПЛ учун ажойиб реклама бўлди. «Арсенал» — фаолиятимдаги энг кучли рақиблардан бири. Бизда ҳам, уларда ҳам ташаббус бўлган пайтлар бўлди. Иккала жамоада ҳам голли вазиятлар юзага келди. Якунда эса, бундай баҳсларда ҳамма нарсани кичик деталлар ҳал қилади», — деди Гвардиола.
